An jeneral, fanm ka vin ansent sèlman lè y ap ovile—sa vle di, lè ovè yo
lage yon nouvo ovul nan twonp fallop yo pou fekondasyon. Ovilasyon an rive anjeneral anviwon de semèn apre kòmansman règ ou, sepandan, gen ANPIL varyasyon nan mitan fanm yo. Pifò fanm pa okouran ditou ki lè y ap ovile. San tès espesyalize nan peryòd fètil ou a, eseye detèmine ki lè konsepsyon an te fèt dapre sik règ ou a pa fyab.

Eseye konnen ki jou ou te vin ansent dapre lè ou te fè rapò seksyèl la kapab yon defi. Anjeneral, li pa posib pou detèmine jou egzak ou te ovilye a epi ze a sèlman disponib pou fekondasyon yon jou. Konsepsyon se yon pwosesis ki pran tan, epi espèm yon gason ka aktyèlman rete vivan andedan kò ou pandan plizyè jou apre yon rapò seksyèl nan vajen. Sa ka fè li difisil pou detèmine ki lè ou te vin ansent, sitou si ou te gen plis pase yon patnè gason pandan peryòd ou te ovilye a. Epitou, sonje ou te ka vin ansent menm si ou menm oswa patnè ou te itilize kontrasepsyon, paske pa gen okenn metòd kontrasepsyon ki 100% efikas pou anpeche gwosès.

Pi bon fason pou w konnen si w ansent tout bon vre se avèk yon ultrason konfimasyon gwosès. Yon ultrason konfimasyon gwosès ka ede w detèmine yon laj apeprè tibebe w la ap grandi. Plis ultrason sa a fèt bonè nan gwosès la, se plis mezi yo ap egzak, men li p ap kapab di w egzakteman jou ou te vin ansent lan. Si w te fè sèks ak de moun diferan nan peryòd fètil ou a, tès patènite pandan gwosès ou a, oswa apre akouchman an, se sèl fason pou w konnen idantite papa a avèk sètitid.

Si w enterese pou w resevwa yon ultrason pou konfime gwosès ou gratis, tanpri rele 866-406-9327 epi n ap refere w bay yon sant gwosès lokal la ki ofri sèvis gratis e konfidansyèl sa a. Aprann plis avèk nou egzamen sou entènèt.